2024 жылдың 18 желтоқсанында өткен «Жылдың үздік студенті – 2024» атты Халықаралық байқауда біздің академиямыздың талантты студенттері үлкен жетістіктерге қол жеткізді.

«Кескіндеме, мүсін және дизайн» факультетінің 3-курс студенті Еркеайым Сансызбай байқауда жоғары нәтиже көрсетіп, І орынды иеленді. Бұл жеңіс оның талмай еңбек етіп, шығармашылық қабілетін үнемі шыңдап жүргенінің айқын дәлелі. Еркеайымның туындылары көркемдік шеберлігімен және ерекше ойлау қабілетімен көзге түсіп, байқау қазылар алқасының жоғары бағасына ие болды. Біз Еркеайымға болашақта шығармашылық табыс, жаңа белестер мен жарқын жеңістер тілейміз!

Сонымен қатар, «Театр өнері» факультетінің 2-курс студенті Молдабаева Аниса да өзінің шеберлігін дәлелдеп, байқауда II орынды иеленді. Оның театр өнеріне деген құштарлығы мен шығармашылық таланты көпшілікті таң қалдырды. Анисаға шығармашылық табыстар, жаңа жеңістер және шексіз шабыт тілейміз! Біздің академияның атын жоғары деңгейде танытып жүргенің үшін алғысымыз шексіз.

Бұл жеңістер Академияның студенттерінің шынайы еңбекқорлығы мен шығармашылыққа деген сүйіспеншілігінің айғағы болып табылады. Академиямыздың мақтанышына айналған жас өнерпаздарымызды тағы да құттықтап, болашақта жарқын жетістіктерге жетулеріне тілектеспіз!

Zhurgenov Academy – жетістікке апарар жол!